Gosse sïjhth mubpide maam akt jiehtedh jallh sïjhth mubpiejgujmie soptsestalledh dellie datne govlesadth. Maahtah njaalmeldh jïh tjaaleldh govlesadtedh, baakoejgujmie, væhtajgujmie jallh bokstaavigujmie.

Soptsestalledh almetji vihkielommes govlesadteme-vuekie aejkiej mietie. Gïelem lïerebe gosse soptsestallebe jïh njaalmeldh gïeline maadth-maahtoem lïerebe maana-baeleste. Bïevnesh jïh aaj domtesh åadtjobe, jïh guktie galkebe sinsitnien vööste dåemiedidh.