Soptsesh, vuelieh, dikth jïh jeatjah teeksth soptsestieh guktie almetjh jealeme, ussjedamme jïh domteme tïjji mietie. Gosse mijjieh teeksth lohkebe dellie maehtebe aelkedh ussjedidh, maam akt lïeredh jallh måarahtovvedh. Lissine teeksth maehtieh mijjem faepieldidh jallh madtjeldehtedh.

Heamture lea soptsese-såarhte. Heamture ij daarpesjh saatnan årrodh. Heamturisnie gellie fantasije-gaagkoeh jïh ibie daejrieh gåessie jallh gusnie heannadi. Ibie daejrieh gie heamturem voestes aejkien soptsesti jallh tjeeli. Heamturh njaelmeste njaalman jåhteme tïjjen mietie.