Soptsesh, vuelieh, dikth jïh jeatjah teeksth soptsestieh guktie almetjh jealeme, ussjedamme jïh domteme tïjji mietie. Gosse mijjieh teeksth lohkebe dellie maehtebe aelkedh ussjedidh, maam akt lïeredh jallh måarahtovvedh. Lissine teeksth maehtieh mijjem faepieldidh jallh madtjeldehtedh.

Saemieh fïerhten biejjien soptsestieh jïh iktegisth aaj soptsestamme maam dååjreme jïh mij heannadamme. Soptsesh vihkeles, dan åvteste dah mijjem faepieldieh jïh aaj histovrijem bigkieh. Mijjieh dovletji tïjji jïh saemien aerpievuekien bïjre åadtjobe lïeredh soptsesinie.