Fagstoff

Hilbes biigá

 
Ij jïjnje maam lea “sïejhme saemien” filmine Hilbes biigá. Læjhkan daate åenehks-filme soptseste guktie noere saemine årrodh daan biejjien. Filme gelline filme-festivaaline veartenisnie vuesiehtamme jïh gellie baalhkah vitneme.

 

Dahkoe

Máigon 15 jaepien båeries jïh dan bööremes voelpe Ánne-Sire aktene onne voenesne årroeminie noerhtene. Giesege, biejjie aaj jïjjege goekeminie. Ánne-Sire ov-såahtan Máigonem haasta baernine dååkerdidh. Máigon ij sïjhth, men soejkesjem åtna: Sveerjesne mïnnedh, mij maahta vaarege årrodh. Filme Hilbes biigá lea akte feeleme-filme (roadmovie) vïenevoeten, raajoej, deadtoven, sensualiteeten jïh hohkemen bïjre.

Vïenevoete jïh vaane-sovme

Regissööre Marja Bål Nango gellie baalhkah vitneme, aaj baalhkam Skårungen vitneme festivaalesne Tromsø filmfestival 2015. Filmen bïjre jeehtin, filme lij mavvas teemine mej bïjre noerh krööhkestieh. Aaj jeehti; daan jaepien Skårunge filmem dorjeme mij vïenevoetem jïh vaane-sovmem vuesehte. Filme stoerre jïh gïerve teemah digkede jïh sisnjelds domtesh vuesehte jieliedisnie. Daan jaepien vitnije dorje juktie ov-vaane dorjehtæjjah eadtjohkelaakan spealadieh jïh jieledem karakteeride vedtieh.

Saemien filme

Jaepien 2009 saemien film-instituhte Internasjonalt Samisk Filminstitutt (ISFI) tseegkesovvi. Dan mænngan saemien filmh våajnoes sjïdteme. Filme-programmesne «7 Sámi Stories» tjïjhtje filmh jïh åenehks-filme Hilbes biigá lea akte dejstie. Filme-programme «7 Sámi Stories» lea jienebh enn 70 filme-festivaaline vuesiehtamme abpe veartenisnie. Filme Hilbes biigá jïh filme Fucking Åmål (1998) hedtieh utnieh. Filme Fucking Åmål (regissööre Lukas Modysson) noerebaelie-byjresem vuesehte aktene onne sijjesne Noerhte-Sveerjesne.