Fagstoff

Marja Bål Nango

 

Marja Bål Nango (1988-) lea saemien tjiehpiedæjja jïh filme-darjoje. Gellie dan filmijste ovmessie filme-festivaaline vuesiehtamme gelline laantine. Marja filme-ööhpehtimmiem vaalteme skuvline Nordland Kunst- og filmfagskole jïh Høgskolen Lillehammerisnie gusnie linjam Film- jïh fjernsynsvitenskap veedtsi.

Jaepien 2011 festivaalesne Riddu Riđđu Nango jaepien tjiehpiedæjjine sjïdti. Jaepien 2015 baalhkam Skårungen åadtjoeji åenehks-filmeste Hilbes biigá. Nordnorsk filmsenter baalhkam Skårungen juaka.

Jeatjah baalhkah jïh nominasjovnh

  • baalhkese Tromsøpalmen (2015) nomineradamme festivaalesne Tromsø International Film Festival (TIFF)
  • baalhka svenske UR-prisen (2015)
  • gahtjeme-programmesne meatan orreme åenehksfilme-festivaaline Grimstadesne jïh Nordisk Ungdoms Filmfestival

Filme «Halvt ditt og halvt datt»

Nangoen dokumentaare-filme «Halvt ditt og halvt datt» (2011) goerehte guktie gellien-kultuvrinie årrodh. Filmesne gihtjedimmieh almetjh ovmessie kultuvrijste. Filme gyhtjelassh digkede guktie

  • Saemie maahta rovkijinie/daatjine pruvredh?
  • Maaneme maahta bunaadem utnedh?
  • Mah gïelh edtjebe gåetesne soptsestidh?

Vuartesjh boelhketjem filmen bïjre «Halvt ditt og halvt datt»  Nrk:sne.

Ussjedh: Guktie gellien-kultuvrine årrodh? Mij buerie jïh nåake gellien-kultuvren fuelhkesne byjjenidh? (akte eejhtege rovkije/daatje jïh mubpie jeatjah kultuvreste)