Fagstoff

Mij dïhte mij guektien-gïelen almetjinie sjïdtedh?

Children reading amongst a pile of books.illustration.  

Jeenje dïhte mij dorje guktie almetje guektien jallh gellien-gïelen guedtiejinie sjædta. Sïejhmemes gujht gåetesne jeenebh gïelh soptsestidh. Eejhtegh maehtieh jïjtsi gïelem soptsestidh. Dellie maana tjuara göökte gïelh lïeredh. Jeenjh hïejmh, maana-gïerth jïh skuvlh voervelieh maana galka guektien-gïelen sjïdtedh.


Siebriedahken gïelh byöroeh mïrrestalledh. Siebriedahken gaajhkine daltesinie hijven jis gïele die soptsesåvva. Saemien-gïelese eah seamma dåarjoeh goh siebriedahken åejvie-gïelese, dåarjegh goh meedijh, byjjes öörnegh jïh guktie voen siebriedahkesne. Jis siebriedahkesne jeenemost laanten åejvie-gïelem utnieh dellie dan gïelese jeenebh dåarjoeh goh saemien-gïelese. Saemien-gïelen viesjebe vierhtie jïh staatuse. Dannasinie dam dan daerpies siebriedahke saemien-gïelem dåarjede jïh nimhtie dïsse vierhtiem vadta.

Vihkele dovne guektiengïelen-voete byjreskisnie vååjnoe. Almetjh byöroeh guektien-gïelen sjïelth vuejnedh, kalenderh jnv. Saemien-gïele tjuara vååjnedh dovne byjjes gåetien, barkoe-sijjien jïh staaren nommine, vg Aarbortesne: Aarborten tjïelte, Snåasesne: Snåasen gærhkoe, Tyjdaelesne: Tyjdaelien maana-skuvle, Praahkesne: Coop Praahkesne.

Jis jeenjem saemien-gïelese tjaelieh dellie saemien-gïelen vierhtiem nænnoste. Almetjidie vaanesåvva vuejnedh jïh lohkedh saemien-gïelen teeksth. Hijven jis saemien dajvesne byjjes gåetieh jïh skuvlh bïevnesh jïh bæjhkoehtimmieh tjaaleme dovne saemien- jïh daaroen-gïelese jallh ajve saemien-gïelese.1 

 

 Baakoe

 

 sjïelth

 skilt

Oppgaver

Aktuelt stoff for