Fagstoff

Teatere-vuasastalleme

En utendørs oppføring av teaterstykket Kautokeino 1852, om Kautokeino-opprøret. Foto.

Teaterisnie gellie tjeahpoe-hammoeh seamma arenesne tjåanghkenieh. Dovne dorjehtæjjah, scenografije, guvvie-tjeahpoe, lidteratuvre, musihke, daanhtsome jïh jeatjah tjeahpoe-hammoeh elliesvoetese tjåanghkanieh jïh dorjehtimmie sjædta.

Regije

Regisööre lea tjeahpoen bijjemes åejvie teaterisnie. Dan dïedte scenan viehkie-dïrregh veeljedh mah edtjieh dorjehtimmesne gååvnesidh.

Scenografije

Scenografije, guktie dorjehtimmien scena-romme galka årrodh. Scenografen dïedte scenam hammoedidh, guktie maahta dam utnedh jïh dorjehtimmien mietie jarkelidh. Visuelle viehkie-dïrregh dorjehtimmesne leah scenografije, vaarjoeh jïh tjoevke.

Scenografije lea aaj dekorasjovnh. Dekorasjovne sïejhme måaladamme jïh kanne tjïehtjelem vuesehte. Dekorasjovnh mah maehtieh juhtedh kulissh gohtjebe.

Tjoevke

Tjoevke edtja dorjehtæmman sjïehtedh. Plaave, kruana jïh fiolette galme tjoevke sjidtieh jïh rööpses, viskes jïh oransje baahke tjoevke sjidtieh. Jeatjah vuekieh tjoevkine barkedh aaj gååvnesieh, v.g. spot-tjoevke, laser-tjoevke.

Tjoeje

Tjoeje vihkele viehkie-dïrrege dorjehtimmesne. Dovletje lij tjoeje dorjehtæjjaj gïelh, men daelie tjoejeviehkie-dïrregh gååvnesieh teaterisnie. Dah maehtieh iemie-tjoeje jïh teknihke-tjoeje aktanidh, guktie ållesth tjoeje-guvvie sjædta.Tjoejh jïh musihke scenesne mijjen domtesh tsevtsieh.

Rekvisidth

Rekvisidth leah daeverh mejtie råålla-gaagkoeh maehtieh dorjehtimmesne utnedh. Rekvisitööre jïh scenografe ektesne berkieh jïh rekvisidtide scenese sjïehtedieh. Såemies aejkien rekvisidte aaj symbole.

Scena-vaarjoeh

Mah dorjehtæjjah edtjieh gåårvedidh? Mij jaepie-boelhkide jallh tïjjide? Daaletje jallh dovletje? Vaarjoeh maehtieh dorjehtæjjan råålla-gaagkoem tjïelkebe vuesiehtidh. 

Sminke

Sminke maahta aaj råålla-gaagkoem hammoedidh, v.g noere jallh båeries.

Karakterh jïh råålla-barkoe

Dorjehtæjja göökte laavenjassh åtna. Dïhte edtja råålla-gaagkoen domtesh vuesiehtidh jïh guktie råålla-gaagkoe scenesne dåemede aaj karakterem vuesehte. Dorjehtæjja tjuara dovne åejjiem, kråahpem jïh domtesh nuhtjedh.

Saemien

dorjehtimmie

skuespill

tjeahpoe

kunst

tjeahpoe-hammoe

kunstform