Fagstoff

Nyöjhkeme

Infinihte verbh. Guvvie.     Daennie sæjrosne datne lïerh guktie saemien-gïelesne nyöjhkedh jïh verbi nyöjhkeme-hammoej bïjre , presense jïh preteritume. Lissine maahtah laavenjassh darjodh.

 
Gosse edtjebe nyöjhkedh, dellie verben nyöjhkeme-hammoem provhkebe, mij lea seamma hammoe goh verben maadtoe. Dellie verbe minngie-gietjiem -h åådtje:

Vuesiehtimmie:

  • båetieh

Maadtoe: båetie-

Maadtoe + h: båetieh

 

Gosse nyöjhkedh dellie sjïere nyöjhkeme-verbem ‘ij’ provhkebe. Daam nyöjhkeme-verbem ‘ij’ sojjehtibie persovni, taali jïh tïjji mietie. Dïhte jïjtjehke verbe, åejvie-verbe, edtja nyöjhkeme-hammosne årrodh:

Vuesiehtimmie:

Ij båetieh. (presense)

Idtji båetieh. (preteritume)

 

Jis viehkie-verbe raajesisnie dellie viehkie-verbe edtja nyöjhkeme-hammosne årrodh jïh åejvie-verbe infinitijvesne:

Vuesiehtimmie:

Ij sïjhth båetedh. (presense)

Idtji sïjhth båetedh. (preteritume)