Fagstoff

Infinitijve

Gærja jïh stueriedimmie-klaase. Guvvie.   

Infinitijve lea verben maadth-hammoe. Dam baakoe-gærjesne gaavnh. Daennie sæjrosne datne lïerh infinitijven bïjre, jïh guktie dam nuhtjedh raajesinie.

 

Infinitijve lea verben maadth-hammoe, dan minngie-gietjie lea -dh.

Vuesiehtimmie:

  • båetedh

Naan aejkien maehtebe verbem infinitijvesne utnedh oktegh raajesisnie:

Luste båetedh.

Jïjnjemes aejkien mijjieh verbem finihte viehkie-verbine jallh kontroll-verbine ektine utnebe raajesisnie. Dellie viehkie-verbem jallh kontroll-verbem sojjehtibie persovni, taali jïh tïjji mietie. Åejvie-verbe edtja infinitijvesne årrodh:

Manne edtjem båetedh.

Manne ussjedem båetedh.