Fagstoff

Indikatijve

Ovmessie finihte verbh. Guvvie. 

Dah indikatijve verbe-hammoeh leah gosse mijjieh dejtie verbide sojjehtibie tïjji mietie. Daennie sæjrosne datne lïerh guktie dej indikatijve verbi sojjehtimmie-hammoeh, presense (daelie-hammoe) jïh preteritume (dillie-hammoe). Lissine maahtah laavenjassh darjodh.

 

Indikatijve

Verbh mejtie sojjehtibie tïjji mietie, presensisnie (daelie-hammosne) jïh preteritumesne (dillie-hammosne), leah indikatijve modusisnie.

 

Presense jïh preteritume


Vuesiehtimmie:

  • Indikatijve presense:     Gåatan båata.
  • Indikatijve preteritume:  Gåatan bööti.

 

Dah indikatijve verbh sojjehtibie dovne persovni jïh taali  mietie:

           Manne båatam, datne båatah, dïhte båata ....

           Manne böötim, datne böötih, dïhte bööti ....