Fagstoff

Dahkoe jïh ov-vaantoe

Baakoeh mah måaladamme. guvvie.  

Tjaelije gellie viehkie-vierhtieh åtna gosse tjaalegem tjaala. Göökte daejstie leah dahkoe jïh ov-vaantoe. Dellie tjaelije maahta gellie bielieh aamhtesistie vuesiehtidh seamma tjaalegisnie. Dïhte dahkoem tseegkie jïh soptseste maam almetjh jiehtieh jïh mannasinie naemhtie sjædta. Tjaelije dïjrem viehkie-vierhtiejgujmie buerkeste.

Ov-vaantoe

Naan aejkien tjaelije aalka ov-vaantoen bïjre soptsestidh, mij novellen aalkoe. Tjaelije daamhtaj ov-vaantoen bïjre novellesne tjaala. Romaanine jïh guhkebe soptsesinie dellie daamhtaj gellie ov-vaantoej bïjre lohkebe.

Ov-vaantoe lea vuesiehtimmien gaavhtan:

  • göökte jallh jienebh almetjh mah dïjveldieh
  • vuestie-bieliej bïjre almetji gaskemsh, aktene daaletjen jallh dovletjen perspektijvesne - vuestie-bieliej bïjre almetjen jïh siebriedahken gaskem
  • almetjen jallh almetji gïerve etihken veeljemen jallh veeljemi bïjre

Dahkoe

Novelline jïh jeatjah åenehks soptsesinie gaavnebe mahte eejnegen barre akte dahkoe mij soptsesisnie jåhta. Guhkebe soptsesinie dellie daamhtaj jienebh dahkoeh. Jis dah ovmessie dahkoeh juhtieh seamma aejkesne, dellie mijjieh dejtie parallelle dahkojne gohtjebe.

Baakoeh 

 dahkoe

 handling

 ov-vaantoe

 konflikt

 vuestie-bielie

 motsetning