Fagstoff

Epihke-analysen gyhtjelassh

Måaladamme almetje jïh bovtse. Guvvie  Almetjh soptsesh soptsestieh jïh dellie daah soptsesh leah epihken tjaalegh. Gosse edtjh tjaalegidie lïhkebe goerehtidh, guktie dejtie eensilaakan guarkah, dellie maahtah daan vuekien mietie barkedh.

Epihken tjaalege soptsesem soptseste. Epihken tjaalege tïjjen mietie soptseste, jïh mij dej beeli heannadi. Sïejhme epihken sjangerh leah romaanh, novellh, soptsesh, heamturh, vaajesh jïh myth.

Jis datne edtjh epihke-tjaalegem analyseradidh, dellie datne maahtah daejtie gyhtjelasside gihtjedh:

  • Man bïjre tjaalege?
  • Guktie tjaelije heannadimmiej bïjre tjaala?
  • Maam tjaelije sæjhta daejnie tjaaleginie jiehtedh?

Jis datne edtjh maehtedh dejtie gyhtjelasside vaestiedidh, dellie tjoerh naan faage-jiehtegh guarkedh. Akte analyse maahta datnem viehkiehtidh lohkemem guarkedh jïh aaj datnem viehkiehtidh buerebe tjaelijinie sjïdtedh. Ovmessie analyse-jiehtegi viehkine datne maahtah eensilaakan buerkiestidh guktie tjaalege tseegkeme, jïh mah soptsestimmie-teknihkh jïh viehkie-vierhtieh tjaelije åtneme.

Sjïehteles tsiehkieh analysesne:

  • motijve, teema jïh dïjre
  • dahkoe jïh ov-vaantoe
  • komposisjovne
  • soptsestæjja jïh vuajnoe
  • persovne-buerkiestimmie
  • byjrese-buerkiestimmie

Baakoeh


 analyse-jiehtege

 analyseuttrykk

 dahkoe

 handling

 ov-vaantoe

 konflikt

 vuajnoe

 syn, synsvinkel