Fagstoff

Rijme jïh jievkehtimmie

  • Innbygg
  • Enkel visning
  • Lytt til tekst
  • Skriv ut

Nïejte jojkeminie. Guvvie.  Jievkehtimmie jïh gaajh/tjoejh leah viehkie-dïrregh mah gïele jïh musihke juekieh. Rijmh jïh jievkehtimmie leah viehkie-dïrregh musihkesne, aaj gosse joejkeminie jïh vueline. Lissine tïjji mietie gellie tjaelijh dikth tjaaleme mah rijmadieh jïh vihties jievkehtimmiem utnieh.

Rijme lea seammalaakan gaaje jallh tjoeje aktene baakosne jallh gellie baakojne. Gosse mijjieh rijmebe dellie baakoeh nuhtjebe, mah seammalaakan minngiegietjiem utnieh, guktie tjelmie-elmie, raaste-laste. Gosse vierse-boelhke rijme-baakojne orreje aktene diktesne dellie mijjieh rijme-baakoem gietjie-rijmine gåhtjobe. Diktesne "Daelvie" tjaelije Svein Ole Granefjell gietjie-rijmem nuhtjeme.

Daelvie

Daelie lea daelvie jïh lopme båateme

Daelie lea daelvie jïh bovtsh jåhteme

Daelvie daelvie jïh biejjie lea vualkeme

Daelie lea daelvie

 

Allitterasjovne

Diktegærjah dueljesne. Guvvie. 

Gååvnese aaj akte såarhte rijme gusnie rijme-baakoeh seamma bokstaavine aelhkieh jieniebinie baakojne. Mijjieh dagkerem rijmem gåhtjobe allitterasjovne jïh diktesne "Aellieh maaneme" Martha Jåma allitterasjovnem nuhtjeme gosse tjaala:

Guhkiem gaatoeh

Ella Holm Bull aaj alliterasjovnem nuhtjie diktesne "Suehpeds-laantesne", gosse tjaala:

Johkh, jaevrieh restedeminie

Reklaame-almetjh jïh journalisth lyjhkoeh dagkarinie rijmigujmie stååkedidh, men aaj tjaelijh jïh mijjieh jeatjebh. Gellie jiehtegh jïh dïejvesh gååvnesieh mah allitterasjovnh utnieh.

Vuesiehtimmieh:

  • raejeste raajan
  • biejjeste beajjan 
  • raasten rastah 
  • datne dån 
  • aelhkie-aelhkebe

Tjaelije Aasta Joma Granefjell allitterasjovnine stååkedamme daennie diktesne.

 

Golme garmeres govsh geajnosne.

Guvlieh gïeke goesesne.
Gïeke gylje: “Geehtede gierkie gierkesne!”

Golme garmeres govsh gesniehtin, goetsedin guktie goesen-baahtsegh geajnose gahtjin.

 
 

Jievkehtimmie, mij dïhte?

Gosse mijjieh dikth tjaelebe jïh löövles jïh geehpes baakoe-lïhtsh nuhtjebe dellie daate vihties jievkehtimmie. Gellie dikth daaroen-gielesne leah daan maallen mietie tjaaleme.

Tjaelije Åse Klemetsson jievkehtimmiem jïh gietjie-rijmem nuhtjeme daennie vuesiehtimmesne:

Akte göökte tjelmieh
Vuartesjh man tjaebpies elmie.
Golme, njieljie baernieh.
Dov naan saernieh?
Vïjhte, govhte hierkieh.
Daate stoerre gierkie.
Tjïjhtje, gaektsie goesh.
Uktsie, luhkie tjåejjieh
Mov gåaroes åejjie.


Gosse mijjieh dikth lohkebe dellie mijjieh naan baakoeh lohkebe jeatjahlaakan enn mubpieh. Baakoej gaskem bodtetjh utnebe jïh naemhtie tjaalege/dikte jïjtse jievkehtimmiem åådtje. Gosse naemhtie lohkebe dellie mijjieh goltelæjjide voerkelibie.

Rijme jïh jievkehtimmie

Gosse dikth lohkebe dellie mijjieh dallah vueptiestibie jis diktesne rijme jallh jievkehtimmie. Luste goltelidh gosse gie akt rijmede jallh jievkehtimmiem nuhtjie. Saemien gïelesne aaj jievkehtimmie vihkele. Aelhkebe tjaalegem lohkedh jis dah raajesh jievkehtimmiem utnieh. Rijme jïh jievkehtimmie ektiedimmiem tjaalegisnie skaepiedieh gosse mijjieh gaajh nuhtjebe jallh maam akt mubpesth jiehtebe.

 Baakoeh

 

 rijme

  rim

 rijmadidh

  rime 

 gietjie-rijme

 enderim

 jievkehtimmie

 rytme

 vihties jievkehtimmie

 fast rytme

 ektiedimmie

 sammenheng

Oppgaver

Aktuelt stoff