Oppgave: Repetisjon

Laavenjassh sjangeri bïjre

Guvvie jïjtjistie. Guvvie.

Daennie sæjrojne laavenjassh teemese Sjangerh.

1. laavenjasse

Aamhtese-prosa jallh tjiehpies-lidteratuvre? Vuartesjh sjangere-læstoem.

  1. Magkerh tjaalegh leah aamhtese-tjaalegh jïh magkerh tjaalegh leah tjiehpieslidteratuvren-tjaalegh?
  2. Tjaelieh aktem raajesem mij vuesehte mij sjïere fïerhtine sjangerinie.
    • romaane
    • åehpiedehteme
    • referaate
    • revye
    • novella
    • komedije
    • reektehtse
    • åejvie-artihkele
    • salme
    • gihtjedimmie
    • govlespïele
    • dikte/tjihtese
    • heamture
    • saernie
    • laavlome
    • biejjie-gærja
    • vearelde-bïevnese
    • learoe-gærja
    • musihkaale
    • vuelie

2. laavenjasse

  1. Mij lea joekehtse tjiehpieslidteratuvren-tjaalegi jïh aamhtese-tjaalegi gaskem?
  2. Neebnh 4 væhtah mah vihkeles nuhtjedh gosse edtjebe sjangerem buerkiestidh aktene tjaalegisnie.
  3. Man åvteste lohkije tjuara daejredh man åvteste akte tjaalege lea tjiehpies-lidteratuvren tjaalege jallh aamhtese-tjaalege?
  4. Guktie sjangere-nomme maahta frijjevoetem tjaeliejasse vedtedh?
  5. Aamhtese-prosa jïh tjiehpies-lidteratuvre gellien aejkien ovmessie åssjelh utnieh. Man åvteste? Tjaelieh vuesiehtimmieh.
  6. Sïejme akte sjangere aktem hammoem åtna. Dellie mijjieh tjoerebe tjaalegem tjaeledh jïh bigkedh sjïere njoelkedassi mietie. Tjoerebe iktegisth daejtie njoelkedasside fulkedh? Buerkesth.

3. laavenjasse

  1. Mah sjangerh leah jarkesamme, jallh ibie vielie nuhtjh?
  2. Man åvteste sjangerh jarkesieh? Neebnh naan sjïekh.
  3. Neebnh naan sjangerh mah orre tv:sne jïh gaske-viermesne.
  4. Mïsse maehtebe mobijlem nuhtjedh?
  5. Mij sjangeridie iktegisth daarpesjibie? Tjaelieh vuesiehtimmieh mah dov vaestiedimmiem buerkiestieh.
  6. Båeries sjangerh maehtieh årrodh: Pamfelte, krönihke, topografihke buerkiestimmie jïh aforisme. Magkerh tjaalegh dah leah? Dah annje gååvnesieh?

4. laavenjassh

  1. Gosse govlesadtemen bïjre soptsestibie, mij dellie akte medijume?
  2. Man åvteste ibie maehtieh govlesadtedh medijumen namhtah?
  3. Guktie medijume maahta dïjren hammoem tsevtsedh? Neebnh vuesiehtimmieh.
  4. Magkerem medijumem nuhtjebe gosse soptsestibie?
  5. Neebnh aktem medijumem maam maehtebe nuhtjedh gosse edtjebe tjaeledh.
  6. Magkerh medijumh guvvesne gaavnh?

5. laavenjasse

Öörnh baakojde læstosne.

Mah sjangere-nommh? Mah medijumh?

  1. Åarjel faaroe
  2. mobijle-telefovne
  3. plaerie
  4. beapmoe-bïevnese
  5. fealadimmie-soptsese
  6. Facebook
  7. guvvie
  8. guvvie-raajroe
  9. gitaare
  10. tjaeleme-paehperh
  11. baakoe-gærja
  12. iPad
  13. barkoe-ohtseme
  14. heamture
  15. YouTube
  16. Snapchat
  17. provre-håaleme
  18. Idol