Fagstoff

Allegorije

Duvire loeseh gööleminie. Guvvie.

Allegorije lea greeske baakoe, mij åarjelsaemien gïelesne sjædta “jeatjahlaakan soptsestidh” jïh “jortehtidh”. Gosse mijjieh allegorije tjaalegem lohkebe dle byörebe dam guarkedh goh guvvie mestie akt mij stuerebe jallh vihkielåbpoe.

Tjaalege mij maam akt jeatjebem vuesehte

Allegorije lea soptsestimmieh, tjaalegh jallh guvvieh. Ibie edtjh dejtie toelhkestidh öövre guktie leah, men symboli mietie. Maehtebe jiehtedh allegorije lea symbole. Mijjieh maehtebe allegorijem gaavnedh romaanine jallh draamine.

Fabele

Juvre-fabelh maehtieh allegorije-tjaaleginie årrodh. Tjaalegisnie “Bïerne” (gærjesne: Lohkede saemien) dellie mijjieh Lutniestæjjan bïjre lohkebe guhte eatnamisnie fealedeminie. Lutniestæjja edtja johken rastah jïh viehkiem daarpesje. Bïerne Lutniestæjjam viehkehte jïh dam johkem rastah saehtele. Dellie bïerne almetji jïjtsevoeth vuesehte. Men dah jeatjah juvrh jïh almetjh mah idtjin sïjhth Lutniestæjjam viehkiehtidh nåakebe jïjtsevoeth vuesiehtieh.

Viertiedasse

Viertiedasse lea seamma goh parabele. Viertiedasse lea åenehks tjaalege, mij jortigi-soptsesvuekien mietie tjaaleme. Viertiedasse lea biejjieladtje heannadimmiej bïjre. Heannadimmie lea goh guvvie gusnie mij akt jeatjebe vöörhkesovveme. Lohkije tjuara jïjtje pryövedh guarkedh man bïjre tjaalege lea.

Baakoeh

 

 jïjtsevoeth

 egenskaper

 viertiedasse

 lignelse

 almetji jïjtsevoeth

 menneskelige egenskaper