Tjaelijen åssjeldahkh vihkele mijjese, men guktie maehtebe dejtie guarkedh? Jis mijjieh goerehtibie, gåessie tjaelije teekstem tjeeli, maehtebe kaanne tjaelijem buerebe guarkedh.
Gustav Kappfjell
Åemie Gaebpien Gåsta, Gustav Kappfjell, dikte-gærjam Gaaltije bæjhkoehti jaepien 1987. Ibie daejrieh gåessie Gåsta diktide tjeeli, men maehtebe sovmedh åemie Gåsta sov diktide tjeeli 1970-låhkosne. Gosse diktem Laevie lohkebe dellie guarkebe tjaelije sov maana-baelien måjhteleminie.
Dikten vierhkie-vierhtieh
Gïele lea tjaelijen dïrredh. Tjaelije maahta gellie ovmessie gïeleldh vierhkie-vierhtieh nuhtjedh gosse teeman bïjre tjaala. Lohkh diktem eensilaakan jïh dle kaanne guarkah mij dikten teema, jïh maam tjaelije sæjhta diktine jiehtedh.
1. laavenjasse
Lohkh diktem Laevie eensilaakan. Mij dikten teema?
2. laavenjasse
Tjaelieh åenehks dov mïelem dikten teeman bïjre.
3. laavenjasse
Mah aarvoeh vihkeles diktesne?
4. laavenjasse
Sisvege diktesne vuesehte mennie tïjjesne dikte tjaaleme? Buerkesth dov vaestiedassem.
CC BY-SASkrevet av Helen Blind Brandsfjell.
Sist faglig oppdatert 13.12.2018