Yrkessituasjonar
Hyggjekveld for eldre
Malin skal bli helsefagarbeidar. Ho har kome halvvegs i læretida si, og ho er no på langtidsavdelinga på sjukeheimen i kommunen. Det siste halvåret av læretida skal ho vere på sjukehus. Ei viktig oppgåve ho har, er å leggje til rette for aktivitetar og gode opplevingar for bebuarane.
Legg til rette for aktivitetar
Å vere aktiv er viktig for å trivast og for å halde oppe funksjonsevna si best mogleg. Éi av arbeidsoppgåvene til Malin er å leggje til rette for aktivitetar som passar for dei ulike bebuarane. Det kan vere både fysiske, mentale og sosiale aktivitetar.
Mental og sosial aktivitet
Malin har lært seg mange forskjellige spel som ho kan spele saman med bebuarane.
Arbeid saman i grupper. Kvar gruppemedlem skal presentere eit spel for dei andre. Det kan vere eit kortspel, eit brettspel eller eit anna spel. Presentasjonen skal innehalde
- spelereglane
- talet på spelarar
- kven spelet passar for
- kor lang tid det kan ta
Tenk gjennom korleis presentasjonen bør vere for at han skal vere lett å forstå. Gruppa spelar spela før de lagar ein felles presentasjon som de framfører.
An error was encountered
No further description is available
