Kontoar i rekneskapen

Opne bilete i eit nytt vindauge

CC BY-NC-SA

Bilete: Signe Dons

Oversikta over alle kontoane kallar vi kontoplan. Han gir ei systematisk oversikt over kvar vi skal føre bilaga. Kontonummera er ekstra viktige når vi skal føre rekneskap på data.

Vi skil mellom kontoar som høyrer heime i resultatrekneskapen og i balansen. Vi gjer det ved å bruke såkalla kontoklassar:

• Klasse 1: Eigedelar
• Klasse 2: Eigenkapital og gjeld
• Klasse 3: Inntekter
• Klasse 4: Varekostnader
• Klasse 5: Løn
• Klasse 6: Administrative kostnader
• Klasse 7: Administrative kostnader

• Klasse 8: Renter, finans og skatt

Som du ser, er klassane 1 og 2 knytte til balansen, mens klassane 3–8 er knytte til resultatrekneskapen. Nummeret på kontoklassen utgjer det første sifferet i eit kontonummer som normalt har fire siffer. Til dømes er alle 3000-kontoane ulike typar inntektskontoar.

Nedanfor følgjer ei oversikt der vi har sett kontoklassane i eit system:

Nedanfor har vi sett inn diverse kontoar med namn og nummer.

Norske bedrifter bruker stort sett ein standard kontoplan som blir kalla Norsk Standard kontoplan (NS 4102). Ved hjelp av lenkja hentar du fram eit døme på ein enkel kontoplan. Kor mange siffer er det i kvart kontonummer?

1 Eigedelar (klasse)

12 Transportmiddel (gruppe)

123 Bilar (undergruppe)

1231 Bil 1

1232 Bil 2

Her ser du kontoklasse 1, Eigedelar, men vi bruker òg kontogrupper (i dette tilfellet kontogruppe 12 for transportmiddel). Ein godsbil er ein eigedel som høyrer heime i klasse 1. Vidare høyrer han heime i gruppe 12, som er transportmiddel, og i undergruppe 123, som er bilar. Éin bil kan då få kontornummeret 1231, ein annan 1232 osb.

Ei anna kontogruppe kan vere 14. Klasse 1 er eigedelar, mens kontogruppe 14 gjeld varelager.

Nedanfor viser vi nokre av dei mest brukte kontogruppene:

Det er til stor hjelp å følgje ein slik standard når vi skal føre rekneskap. Vi kan registrere kontoplanen i eit rekneskapsprogram. Ved å bruke riktig konto blir bilaget (hendinga) styrt inn på rett plass i rekneskapen. På den måten blir ein rapport (utskrift) over resultatrekneskapen eller balansen korrekt. Det vil seie at alt kjem i riktig rekkjefølgje.

I eit rekneskapsprogram er det nummeret på kontoen som er viktigast, ikkje sjølve namnet. Men det er lurt å bruke eit kontonamn som gir deg best mogleg informasjon om kva type konto det er snakk om.

I tillegg til at kontoane har nummer og namn, har dei ein kode for meirverdiavgift, mva. (moms). På den måten sørgjer programmet for at vi får riktig meirverdiavgift.