Undervisingsopplegg for lærar
Her er eit forslag til korleis du som lærar kan leggje opp undervisinga i fagstoffet om den historiske utviklinga frå produksjonsorientert til kunde- og marknadsorientert organisasjon i Marknadsføring og leiing 1. Målet med undervisinga må vere å gi elevane forståing for korleis bedrifter har gått frå å tenkje produkt og produksjon til å tenkje kundar, marknad og samfunn, og å klargjere kvifor dette har vore ei uunngåeleg utvikling.
Veke | Førelesing | Oppgåver |
1 | Bruk lysbiletserien og snakk dykk gjennom omgrep som blir introduserte. Ha ein grunnleggjande gjennomgang, og la deretter elevane jobbe praktisk sjølve. Lysbiletserien er også tilgjengeleg for elevane. | Start med å setje elevane saman i par slik at dei kan gjere Repetisjonsoppgåvene. Då blir elevane nøydde til å gå gjennom stoffet på ein grundig måte. Elevane kan bruke Bloggoppgåva til å strukturere stoffet slik at det blir lettare å finne att. Start Diskusjonsoppgåvene i klassen. Ta ein diskusjon kvar time som eit avbrot i undervisinga. La elevane halde fram med bedriftspresentasjonane i grupper i oppgåva Skriftleg presentasjon. Dette føreset at elevane har gjort den tilsvarande oppgåva under menypunktet Innhaldet i marknadsføringsomgrepet. Arbeidet med den skriftlege presentasjonen her tek tid, men er morosamt og sosialt. |
2 | Jobb dykk gjennom resten av lysbiletserien som førelesing. | Resultatet av firmapresentasjonen kan bli presentert som gruppearbeid denne veka i oppgåva Munnleg presentasjon. La elevane jobbe i par for å gjere ei kreativ oppgåve, til dømes Gloggoppgåva. Det å lage ein glogg er eit morosamt og nyttig verktøy for å strukturere og repetere stoffet. |
Tilrå
