Filmen under finst med språkstøtte i fleire versjonar:
Filmen Helsefagarbeider med språkstøtte på somali
Filmen Helsefagarbeider med språkstøtte på arabisk
Filmen Helsefagarbeider med språkstøtte på tigrinja
Lytt og les samandrag av filmen
Samandrag av filmen
Samandrag helsefagarbeidar
Forklaringar på omgrep frå filmen
Omgrep | Tale | Forklaring |
|---|---|---|
lærling | ein person som har opplæring i ei bedrift, og som lærer yrket ved å jobbe | |
bedrift | ein arbeidsplass | |
yrkesgruppe | menneske som har den same utdanninga | |
bebuar | ein person som treng hjelp og omsorg, og som bur på til dømes ein sjukeheim eller ein annan institusjon | |
brukar | ein person som bruker helse- og omsorgstenester, til dømes gjennom heimetenesta | |
pasient | ein person som er sjuk og får helsehjelp, til dømer i sjukehus eller hos fastlegen | |
medisin | legemiddel, til dømes tablettar | |
medisinrommet | eit rom for oppbevaring av legemiddel | |
dosere | å legge rett mengde medisin i eit beger eller ein dosett | |
dosett | ein liten boks som er delt inn i dagar og tider. Gjer det lettare å hugse når ein skal ta medisin. | |
multidose | små posar med medisin i ein rull, frå apoteket | |
puls | trykkstigninga/slaga du kjenner over arteriane (pulsårene) når hjartet pumpar blod ut i kroppen | |
blodtrykk | det trykket som blodstraumen gir på åreveggene i arteriane (pulsårene) når hjartet pumpar blodet ut i kroppen | |
pårørande | familie, slektningar eller verje | |
tilsette | dei som jobbar på ein arbeidsplass | |
desinfisere | bruke middel som drep mikroorganismar som kan føre til sjukdom, til dømes handsprit | |
smitte | når bakteriar, sopp eller virus blir overført frå ein person til ein annan person | |
ergonomi | læra om korleis vi kan tilpasse arbeidsoppgåver og arbeidsmiljøet slik at vi unngår skadar mens vi arbeider | |
tekniske hjelpemiddel | utstyr som hjelper den tilsette til utføre ulike oppgåver, til dømes ein takheis | |
sengeliggande | ein bebuar eller pasient som er for sjuk eller svak til å stå opp og derfor må ligge i senga | |
heimetenesta | den hjelpa eldre og sjuke får frå kommunen når dei bur heime | |
rusomsorg | hjelp til menneske som er avhengige av rusmiddel som alkohol og narkotika | |
vg3-påbygging | eit skuleår i vidaregåande skule som gir generell studiekompetanse for å studere på høgskular og universitet, etter vg1 og vg2 på yrkesfagleg studieretning |
Varierte arbeidsoppgåver
Som helsefagarbeidar skal du yte profesjonell helsehjelp og vareta kvar enkelt brukarers behov for pleie og omsorg. Arbeidsoppgåvene er varierte og inneber kontakt med menneske i alle aldrar med ulik helse og funksjonsevne. Helsefagarbeidaren kan jobbe på mange ulike arbeidsstader innan kommunale helse-og oppveksttenester, sjukehus og private omsorgstenester.
Utfordringar til deg
Sjå filmen og bruk lenkene under til å svare på desse spørsmåla.
- Korleis er det ordinære utdanningsløpet for å bli helsefagarbeidar?
- Kva eigenskapar er nødvendige i dette yrket?
- Kva er vanlege arbeidsoppgåver for ein helsefagarbeidar?
- Kva moglege arbeidsstader kan du finne for ein helsefagarbeidar?
- Kvifor er det viktig å tenke på ergonomi i jobben som helsefagarbeidar?
Relatert innhald
Nettside hos utdanning.no
Nettside hos vilbli.no