Frå stillbilete til levande bilete
Prinsippet for korleis ein skapar levande bilete blei oppdaga av Eadweard Muybridge i 1878. Han tok ein serie stillbilete av ein hest i fart, og desse bileta kunne ein så setje saman slik at det heile såg «levande» ut.
Ved å kombinere filmen frå kinetoskopet med projeksjonen frå Laterna Magica utvikla brørne Auguste og Louis Lumière i 1895 sitt eige system for vising av film, Kinematografen. Kinematografen gjorde det mogleg å vise film for eit større publikum. I kinematografen blir filmen ført over valsar med små tenner. Tennene tek tak i perforeringshola i filmen og trekkjer han til opninga bak prosjektorlinsa, kalla porten.
Den første filmen
Den første filmen i verda er berre på nokre få sekund (YouTube). Han blei filma den 14. oktober i 1888 av den franske oppfinnaren Louis Le Prince og viser menn og kvinner i ein hage:
I ettertid er det likevel brørne Lumière som har blitt ståande som skaparane bak «verdas første film». Filmen deira, som dokumenterer arbeidarane som forlèt fabrikken til Lumière-familien, blei filma i 1895:
Sjå filmen på YouTube: The Lumiere Brothers' - First films (1895)
I dei første åra etter 1895 blei det i hovudsak laga kortfilmar med dokumentarisk innhald.
