Tema
Matias bruker nærmiljøet
Her møter du Matias som er barne- og ungdomsarbeidar i Blomman barnehage. Avdelinga han jobbar på, heiter Solsikken og er for barn i aldersgruppa 0 - 6 år. Som fagarbeidar får Matias ulike oppgåver og utfordringar. Eit hovudtema i denne oppgåvesamlinga er oppvekstmiljø.
Aktivitet for alle
Blomman barnehage bruker både drama og andre aktivitetar i kvardagen. Barna speler mykje teater, og dei dreg for å sjå på ulike teateroppsetjingar når det er mogleg. Dei er også glade i formingsaktivitetar og besøkjer gjerne eit museum eller ei kunstutstilling om dei har moglegheit til det.
Barna bruker drama
Matias skal ha drama med ei gruppe barn. Det er alltid populært å få vere med i dramagruppa, så dei som går bort til det gule dramarommet, er veldig motiverte.
Tenk deg at du er Matias. Planlegg, gjennomfør og vurder ei dramaøkt der barn speler
- ulike roller – som til dømes mor, bestemor, bod, tannlege
- ulike følelsar – som til dømes sint, glad, redd
- ulike gjenstandar – som til dømes ein kopp eller ein blom
Du kan gjennomføre aktiviteten med ei gruppe barn eller med klassen din.
Tilrå
