Tverrfagleg samarbeid
Tverrfagleg samarbeid handlar om at ulike yrkesgrupper med ulik kompetanse samarbeider om å løyse oppgåver. Som arbeidstakar i helse-, sosial- og omsorgssektoren kjem du til å arbeide saman med mange andre yrkesgrupper.
I eit tverrfagleg samarbeid er alle rollene viktige. Nokre har spisskompetanse innanfor eit bestemt fagområde, som til dømes ein psykolog eller ein lærar. Andre har kompetanse til å sikre meir heilheitleg omsorg og service og følgjer også opp behandling og tiltak som spesialistane har tilrådd. Han eller ho som har direkte kontakt med brukaren i det daglege, har ei særleg plikt til å observere og melde frå når noko ikkje stemmer. Dette kan til dømes vere at tiltak som er sette i verk, ikkje fungerer som venta.
.
I eit tverrfagleg samarbeid er det viktig å vere medviten om sin eigen og andre sin kompetanse. Du må vite kva du sjølv har kompetanse og fullmakt til å utføre, og kva du skal overlate til andre.
Dersom eit tverrfagleg samarbeid skal fungere, må ein ha tillit til kvarandre sin kompetanse. Det er viktig å lytte til kvarandre. Samtidig er det viktig å bidra med den kompetansen du sjølv har.
Tilrå
