Ellipsoide og geoide

Geoiden er ei fysisk flate som vi refererer høgder over havet til. I geodesi refererer ein også høgder til  ein ellipsoide, som er den enklaste globale tilnærminga til geoiden. I motsetnad til geoiden er ellipsoiden ei reint matematisk overflate, og har den fordelen at ho er enklare å gjere berekningar på. Ein ellipsoide blir definert som ei lukka, krum flate som i alle plan blir skoren i ein ellipse. Denne ellipsoiden blir brukt som referanse for posisjonsberekningar. Han er ei matematisk flate som representerer jorda. Ellipsoiden blir brukt fordi han er ein matematisk figur med jamn overflate som er lett å handtere, i motsetnad til geoiden som blir påverka av ulik tettleik i det indre av jorda. Ellipsoiden vik ofte noko av frå geoiden. Til nullnivå for høgder det gjennomsnittlege havnivået til jorda (geoiden) nytta.

Skisse som illustrerer korleis skilnadene mellom geoide, ellipsoide og
topografi kan vere.

GPS-koordinatar blir refererte til ein særskild ellipsoide med namnet WGS-84 (World Geodetic Survey 1984). Ønskjer ein å finne nøyaktig høgd over havet på ein GPS-posisjon, er det naudsynt å kjenne til geoiden i området.