Teknikk og industriell produksjon

TIP – ei framtid med teknologi!

Industrien i dag og i framtida er prega av automatiserte prosessar og er stadig i utvikling.

Teknikk og industriell produksjon (TIP) er felles basis for mange yrke med arbeidsplassar i store og små industribedrifter på skip, i installasjonar for produksjon av olje og gass, i store og små verkstader og på alle typar kjøretøy og anleggsmaskinar.

Denne fagsida er ein tilleggsressurs der du finn innhald knytt til alle læreplanmåla. Fleire og meir varierte ressursar og oppgåver vil komme utover skuleåret.

Fagsida er bygd opp rundt praktiske arbeidsoppgåver, der teoristoff og andre relevante ressursar er knytte opp mot utføringa av arbeidsoppgåva.

Det er fleire måtar å finne fram til ressursar på:

• Under fana Meny finn du ei rekkje arbeidsoppgåver sortert etter vanskegrad. Aktuelt teoristoff som trengst for å løyse oppgåva, er lenkja til oppgåva.

• Under fana Tema finn du læremateriell og andre ressursar sorterte etter emne, som igjen er delte inn i underemne.

• Fana Læreplan gir deg tilgang til alle læringsressursane sorterte etter dei ulike kompetansemåla for faget.

• I tillegg kan du søkje direkte på aktuelle stikkord, og du vil då få opp alt innhald knytt til dette stikkordet.