Hensikta med forskrifta er å bidra til at miljøet i blant anna barnehagar og skular stimulerer til helse, trivsel og gode sosiale og miljømessige forhold. I tillegg er formålet å førebyggje sjukdom og skade. Også denne forskrifta pålegg eigaren av barnehagen eller skulen å ha eit internkontrollsystem.
Denne forskrifta blir brukt som utgangspunkt for å utarbeide rutinar i barnehagen/skulen som spesifikt skal sikre barna.
”Forskrift om miljørettet helsevern i barnehager og skoler” omfattar mange emne. I forskrifta kapittel 3, ”Spesielle bestemmelser”, utgjer desse emna § 9-24:
- utforming og innreiing
- mogelegheit for aktivitet og kvile
- måltid
- psykososiale forhold
- reingjering og vedlikehald
- sikkerheit og helsemessig beredskap
- førstehjelp
- tilrettelegging basert på opplysningar om helseforhold
- smittevern
- røyking
- inneklima/luftkvalitet
- belysning
- lydforhold
- drikkevatn
- sanitære forhold
- avfallshandtering
"Veileder til forskrift om miljørettet helsevern i barnehager og skoler"
Eksempel på ulike rutinar som er utarbeidde på bakgrunn av desse, gjeld for
- barn som blir mobba
- barn som får nedsett allmenntilstand
- medisinering av barn
- barn som ikkje blir henta før stengetid
- barn som skal ut på tur
- skadar og ulykker med barn
- rutinar for handtering av mat i barnehagen
- handtering av smittsame sjukdommar