Kunnskapane til fagarbeidaren om betydninga av god handhygiene er avgjerande for helsa og velværet til brukaren. Hendene er den viktigaste arbeidsreiskapen vi har, og dei blir brukte til både omsorg og pleie.
Riktig handhygiene hindrar spreiing av sjukdomsframkallande mikroorganismar og reduserer dermed risikoen for at brukaren blir utsett for infeksjonsfare.
Hendene våre er fulle av mikroorganismar. God handhygiene er viktig for å hindre spreiing av smitte. Opphavsmann: Marit Smith Sørhøy, Knut Høihjelle
Klikk på biletet for å sjå det i større format. Før muspeikaren over for å sjå kva for mikroorganismar som er vanlege på hendene våre.
Riktig handhygiene er eit av de viktigaste enkelttiltaka for å bryte smittekjeda og hindre at infeksjon oppstår.
Hendene er ein viktig reiskap i møte med brukarar. Hendene blir brukte til mange ulike oppgåver gjennom ein dag, og dei blir brukte til å gi omsorg med. Vi rører ved både ureine og reine kontaktpunkt, noko som inneber at hendene våre kan vere ei sentral transportkjelde for smittestoff.
Riktig handhygiene sikrar at brukaren får den omsorga og pleia han treng, utan at vi utset han for det ubehaget og den lidinga som ein infeksjon kan medføre. Føremålet med riktig handhygiene er å hindre smitte og førebyggje sjukdom.
Kunnskap, forståing og innarbeiding av gode rutinar er ein føresetnad for at dette skal fungere.
Riktig handhygiene er eit enkelt, billig og svært effektivt tiltak mot smittespreiing. Her har den enkelte fagarbeidaren eit individuelt ansvar.
Når skal vi utføre handhygieneprosedyrar?
før vi gjer reint arbeid
før vi hentar og tek i reint, desinfisert og sterilt utstyr
før vi handterer mat
før og etter kvar gong vi har fysisk kontakt med pasientar
før vi tek på eingongshanskar
før og etter at vi har stelt pasientar, reidd senger eller gjort andre prosedyrar
etter at vi har vore på toalettet eller pussa nasen
etter at vi har rørt ved ureint utstyr som bekken og temperaturmål
Hendene våre er fulle av mikroorganismar. God handhygiene er viktig for å hindre spreiing av smitte.
Tilrå