Pandemi og "svineinfluensa"

Det har den siste tida vore stort fokus på førebygging av smitte i samband med oppdaginga av eit nytt influensavirus. I folkeleg tale blir viruset kalla svineinfluensa, og det faglege omgrepet er influensa A (H1N1). Når så mange menneske i eit stort geografisk område er utsette for smitte av eit bestemt virus, kallar vi det pandemi.

Styresmaktene har sett inn store ressursar for å opplyse om kva som kan skje, og helsedirektoratet informerer gjennom media og eigne nettsider om førebygging. Det er høgt prioritert å hindre at så mange som frykta blir sjuke, og det blir sett inn spesielle tiltak for utsette grupper. Det dreier seg f.eks. om menneske med ulike kroniske sjukdommar.