Oppgåve 1
Stemmebruk: volum, tempo, klang
Øving 1
Tre personar begynner samstundes å telje til ti. Den eine bruker lys stemme, den andre vanleg stemme og den tredje djup stemme. Byt roller.
Øving 2
Tenk at du skal seie følgjande til ei forsamling på høvesvis 10 personar, 30 personar og 100 personar. Tilpass stemmebruken:
"Vil forsamlinga vere snill og komme til ro!"
Øving 3
Gå saman i talekor og gi att regla nedanfor. Vel ein dirigent som ved hjelp av gestar dirigerer rytme og variasjon i røystene frå svak til sterk lyd, frå kviskring til høgrøysta tale, frå langsam til rask uttale:
"Akka bakka bonka rakka hekla mekla sjong dong filli fjong issa bissa topp stopp"
Oppgåve 2
Stemmeleie
Kommandér hunden
Du har ein ulydig hund som ikkje kjem når du roper. Korleis vil du kommandere han på plass? Prøv forskjellige variantar.
Oppgåve 3
Variér toneleie og stemmeklang.
Setningane under skal lesast på ulike måtar ved hjelp av toneleiet og klangen i røysta:
Eg er glad i deg.
Eg hatar deg.
Om du ikkje lèt meg i fred, da går eg.
Så vakre auge du har.
Snart er det friminutt.
Prøv for kvar av setningane å uttrykkje:
- ei spørjande haldning
- ei konstaterande haldning
- ei truande haldning
- glede
- overrasking
- vonbrot
- forelsking
- ironi