Ruser, teiner og kilenot er passive fiskereiskapar som fungerer etter innesperringsprinsippet. I tillegg bruker vi lokkeprinsippet ved å nytte åte. Vi seier også at reiskapane fungerer etter felleprinsippet. Reiskapane vert brukte både i ferskvatn og sjøvatn, og fangar både fisk og krepsdyr.
Ruser vert helst brukte til å fange ål og torsk.
Teiner vert brukte til krepsdyr som taskekrabbe, kreps, hummar og kongekrabbe, og til til dømes leppefisk, brosmefiskar og torsk. I teinene bruker vi agn for å lokke.
Kilenota vert helst brukt til å fiske etter laks i sjøen.
Omgrep du bør kunne:
- innesperringsprinsippet
- lokkeprinsippet
- felleprinsippet
- garnmasker
- panelnett
- leiegarn
- kalv
- ruse
- teine
- kilenot
- havteine
- krepsdyr
- fredingstid
- landgarn
Finn ut:
- Korleis er ruser, teiner og kilenot brukte i fiske der du bur?
- Kva lokale ord og omgrep finst?
Kva kan du om ruser, teiner og kilenot? Ta testen!
Relatert innhald
CC BY-SASkrive av Kyrre Pettersen.
Sist fagleg oppdatert 09.11.2017