Mange meiner at presidenten i USA er den mektigaste mannen i verda. Men er det verkeleg slik at politikarar og statsleiarar er dei mektigaste i verda? Er det dei som styrer land, som kan diktere korleis verdssamfunnet skal sjå ut, eller er det andre som betyr meir, når viktige avgjerder skal takast?
Kven har mest makt?
- Gå saman i grupper på fire og fire og lag ei liste over dei mektigaste i verda i dag. Det treng ikkje berre vere statsleiarar, det kan vere leiarar for organisasjonar eller bedriftsleiarar.
- Diskuter dei de har på lista og lag ei rangert liste med minst fem namn på dei mektigaste i verda i dag.
- Del lista med resten av klassen, grunngi kvart val og forklar korleis de kom fram til denne rangeringa, og kvifor de har valt akkurat desse namna.
- Bli einige i klassen om ei liste på 10–15 personar som de meiner er dei mektigaste i verda.
- Magasinet Forbes utarbeider årleg ei liste over verdas mektigaste menneske. Samanlikn Forbes si liste med dykkar liste (ikkje sjå på lista før de gjer rangeringa dykkar).
- Kor i verda kjem dei mektigaste menneska frå?
- Er det slik at det er likestilling på denne lista?
CC BY-SASkrive av Elisabeth Thoresen Olseng.
Sist fagleg oppdatert 16.06.2017