Lohkh teekstem jïh vaestedh laavenjasside.
Mijjen gïele
Mijjen saemien gïele darhke. Muvhtide dïejvesidie dan jïjnje baakoe guktie gellielaakan maahta aktem mubpeste jïh gåalmedem njealjadistie joekehtehtedh. Muvhten aejkien jis maahta aktine jallh gööktine baakojne jiehtedh maam jeatjah gïelesne lij tjoereme jïjnji baakoej sïjse gïebredh.
Guktie dïhte mijjen baakoe: Buaredh. Oksem rïhpesth jïh olkese vuartesjh jïh jeahtah, buaredh. Dellie daaroen tjoeverh govhte baakoeh jiehtedh aerebi goh buektehth laadtan jallh rovkijese boejhkelidh: Det er pent vær i dag. Jis leah maam ussjedamme darjodh, dle maahta govledh mejtie ussjedh varki darjodh, jis jeahtah edtjh, bovresne vaedtsielidh, dellie daejribie ih gujht man guhkiem gaatoeh. Mohte jis jeahtah edtjh bovresne mïnnedh, dle daejribie maahtah abpe biejjiem gaatodh. Gihtjh jeahtah man guhkene dïhte dov bovre.
Seammalaakan aktede baakoste maahta govledh mejtie gie maam ikth dorje, njulhtjie, vuj gellien aejkien, njolhtje. Dovne man varki, jis njulhtjeste, jallh man gellien aejkien varki njolhtjestalla. Gaajhkem dagkerem lij daaroen tjoereme jïjnji baakoej gujmie bïhkedidh.
Jaahkenelkien Aanna[1]
1. laavenjasse
Ohtsedh gaajhkh seerkeme-baakoeh tjaalegisnie. Tjaelieh aaj seerkeme-baakoej maadth-baakoeh.
2. laavenjasse
Tjaelieh muvhth raajesh mah vuesiehtieh dah joekehtsh saemien-gïelen jïh daaroen-gïelen gaskem.
3. laavenjasse
Buerkesth dam maam tjaelije soptseste saemien-gïelen bïjre.