Epihke tjaalege
Epihken tjaalege soptsesem soptseste. Epihken tjaalege tïjjen mietie soptseste, jïh mij dej beeli heannadi. Sïejhme epihken sjangerh leah romaanh, novellh, soptsesh, heamturh, vaajesh jïh myth.
Jis datne edtjh epihke-tjaalegem analyseradidh, dellie datne maahtah daejtie gyhtjelasside gihtjedh:
- Man bïjre tjaalege?
- Guktie tjaelije heannadimmiej bïjre tjaala?
- Maam tjaelije sæjhta daejnie tjaaleginie jiehtedh?
Jis datne edtjh maehtedh dejtie gyhtjelasside vaestiedidh, dellie tjoerh naan faage-jiehtegh guarkedh. Akte analyse maahta datnem viehkiehtidh lohkemem guarkedh jïh aaj datnem viehkiehtidh buerebe tjaelijinie sjïdtedh. Ovmessie analyse-jiehtegi viehkine datne maahtah eensilaakan buerkiestidh guktie tjaalege tseegkeme, jïh mah soptsestimmie-teknihkh jïh viehkie-vierhtieh tjaelije åtneme.
Epihke-analyse
Sjïehteles tsiehkieh analysesne:
- motijve, teema jïh dïjre
- dahkoe jïh ov-vaantoe
- komposisjovne
- soptsestæjja jïh vuajnoe
- persovne-buerkiestimmie
- byjrese-buerkiestimmie
Baakoeh
Saemien | Daaroen |
|---|---|
analyse-jiehtege | analyseuttrykk |
dahkoe | handling |
ov-vaantoe | konflikt |
vuajnoe | syn, synsvinkel |