Dagtilbod på gard for menneske med demens

Opne bilete i eit nytt vindauge

CC BY-SA

Bilete: Alden Chadwick

• får dårleg hukommelse
• får konsentrasjonsvanskar
• blir lett irritert
• snakkar ofte mindre enn før
• blir isolert og får dårlegare sosialt nettverk
• får problem med påkledning og vanlege oppgåver i heimen
• får nedsett matlyst
• får søvnproblem

På garden får den demente noko meiningsfullt å halde på med, i trygge omgivnader. For mange er det å fôre og stelle dyr, arbeide med ved, stelle i hagen og bake kjende aktivitetar. Dei får bruke kroppen sin i fysisk arbeid og skape noko med hendene. Dei får ikkje minst vere saman med andre i same situasjonen. Fysisk aktivitet og gode måltid er bra for helsa.

Opne bilete i eit nytt vindauge

CC BY-SA

Bilete: stanze

Ute:

• sjå på, fôre og stelle dyr
• utføre enkle jobbar som å stable ved, reparere gjerde og utføre anna vedlikehaldsarbeid
• gå turar i nærområdet
• tenne bål og ete ute
• hauste frukt og grønsaker
• plukke bær og sopp

Inne:

• sylte og safte sjølvplukka bær
• bake
• strikke og veve
• småsnekre
• synge og spele kort saman med andre

Det er viktig å ta hand om tryggleiken slik at både deltakarar og pårørande kan kjenne seg trygge. Oppgåvene må tilpassast den enkelte, og somme treng meir hjelp enn andre. Vêret og årstida påverkar òg kva aktivitetar de kan drive på med.

Inn på tunet tilbyr fleksible løysingar med varierte dagar som samtidig er føreseielege. Gardane er ofte små og oversiktlege.

Pårørande og helsepersonell kan fortelje at brukarane ofte

• får betre søvn
• bruker mindre medikament
• vandrar mindre
• opplever glede og er meir tilfredse
• tenker fleire positive tankar

Å få gjere noko av verdi gir alle ei oppleving av å vere til nytte. Slik er det òg for menneske med demens.