Leidningane frå overbelastningsvernet til kurssikringane kallar vi målarsløyfe. Desse leidningane må leggjast slik at montøren frå det lokale e-verket enkelt kan kople til målaren.
Målarsløyfa i eit IT-nett skal vere i klasse II-utføring. Målarsløyfa må dermed vere utført med dobbeltisolerte leidningar. Dette løyser ein med leidningstypen RKK.
For TN-nett der det vil bli utkopling ved første jordfeil, kan du bruke leidning av typen RK, som ikkje er dobbeltisolert. Mengda straum som skal gå gjennom leidningane, bestemmer tjukna på målarsløyfa.
Det er viktig å bruke endehylser på leidningane.
CC BY-SASkrive av Steinar Olsen og Rodney Årnes.
Sist fagleg oppdatert 05.03.2017