Ein jordfeilautomat er ei automatsikring og ein jordfeilbrytar konstruert saman i éin komponent. Den vernar den elektriske installasjonen mot overstraum, kortslutning og jordfeil. Dette reduserer faren for brann og berøring ved feil i anlegget. Dersom det skulle bli jordfeil (kontakt mellom jord og ein av polane) vil ein jordfeilautomat slå ut ved 30 mA (milliampere).
For å tryggje elektriske anlegg har krava gjort at det blir trekt jording på alle kursane, dette var det tidlegare berre krav om på våtrom og utandørs. Kravet var òg å ha berre ha ein jordfeilbrytar på heile anlegget, no er kravet å bruke jordfeilautomat på alle kursane under 25 Ampere, noko som er tilfelle for alle kursane i ein normal bustad.
Vi kjenner lett igjen jordfeilautomaten ved at den har ein test-knapp, det blir tilrådd at det blir utført ein test kvart halvår for å sjekke at den fungerar. Dette gjeld òg for å halde oppe levetid og garanti.
