Oppgåve 1
Finn døme på produkt som er:
- heilt nye på marknaden
- har vore på marknaden ei stund
- er på veg ut av marknaden
Oppgåve 2
Korleis er marknadsmiksen for produkta til Apple produkt? Vel eitt Apple-produkt og beskriv kvart enkelt konkurransemiddel.
Oppgåve 3
a) Vel tre ulike butikkar/utsalsstader, for eksempel ein matbutikk, ei sportsforretning og ein klesbutikk.
Vurder vareutvalet i dei tre ulike butikkane. Kva varer har dei, og korleis er breidda og djupna i vareutvalet? Er det varer du saknar i butikkane? Er det varer du synest butikkane bør ta ut av sortimentet sitt?
b) Vel tre butikkar som sel same type varer (for eksempel tre klesbutikkar) og vurder vareutvalet. Kva varer har dei, og korleis er breidda og djupna i vareutvalgt? Kvifor trur du butikkane er like/ulike i sortimentet sitt?
Oppgåve 4
Beskriv kva kjerneproduktet, det konkrete produktet og det utvida produktet er for
- ein mobiltelefon
- ei kinoframsyning
- eit restaurantbesøk
- ein frisørtime
- eit par jeans
- eit par solbriller
- ei hotell-overnatting
Du kan òg velje deg noko anna som du meiner kan vere interessant å dele inn i dei ulike produktnivåa.