Kystkafeen
Solvik kommune er ein liten kommune på sørlandskysten med om lag 7000 innbyggjarar. Kommunen ligg like ved kysten og har ein flott skjergard. Innbyggjartalet i kommunen blir dobla dei travle sommarvekene kvart år.
Kommunen har eit næringsliv som består av små og mellomstore industribedrifter. Skjergarden har flotte hytter. Skjeret fyr ligg ytst i havgapet.
Kommunen overtok i 2006 bygningane og øya som fyret ligg på. Sjølve fyret er overteke av Kystverket. Huset er sett i stand dei siste åra, og bygningane har gode fasilitetar som storkjøkken, dusj- og toalettanlegg i tillegg til høve for overnatting.
Det går rutebåt ut til fyret. Området blir nytta av mange som også bruker eigen båt for å komme ut til øya.
Dei seks siste åra har det vore restaurantdrift på øya. Restauranten har vore driven av eit kommunalt selskap som no ønskjer å trekkje seg ut. Under finn de ei økonomisk oversikt for dei tre siste åra.
Kommunen ønskjer å få meir aktivitet i området og har derfor søkt etter personar som kan tenkje seg å drive kafeen og setje i gang ulike aktivitetar. Dei tenkjer spesielt på å etablere ein kystkafé og ha omvising på fyret. Kommunen tenkjer seg at kystkafeen har ope kvar dag i sommarmånadene, og i helgene så mykje som mogleg både om våren og hausten.
Kommunen har sett inn ein annonse i lokalavisa der dei søkjer etter nokon som ønskjer å setje i gang med ulike aktivitetar på øya som fyret ligg på. Leiga for heile området er sett til 5000 kr per månad medrekna straum. Kjøkenet er møblert med oppvaskmaskin og kjøleskap. Det finst i tillegg dekketøy for 50 personar.
- utarbeide ein forretningsidé for kafeen
- velje selskapsform for kafeen og grunngi valet
- vurdere og gjere greie for tryggingsrutinar ved frakting av gjester med båt
- utarbeide ein enkel marknadsplan med tilhøyrande handlingsplan for driftsperioden
- rekne ut kapitalbehovet og komme med eit fornuftig forslag til driftsbudsjett, kalkyle (på eitt produkt) og finansiering
- gjere greie for korleis de vil gå fram for å rekruttere og tilsetje dei rette personane til å drive kystkafeen
Aktuell teori finn de blant anna i lenkesamlinga under:
- Forretningsidé
- Val av selskapsform
- Tryggleik på arbeidsplassen
- Marknadsplan
- Kapitalbehov
- Budsjett
- Kalkyle
- Rekruttering
Hugs at de kan finne teoristoff om dette på Vg2 også.
I tillegg kan følgjande kompetansemål vere aktuelle:
- Utarbeide en forretningsplan
- Utarbeide et enkelt serviceoppdrag
- Gjøre rede for gjeldende regelverk som regulerer personvern, helse, miljø og sikkerhet (HMS) på arbeidsplassen
Vedlegg 1:
Resultatrekneskap | 2012 | 2011 | 2010 |
Sum driftsinntekter | 5 024 000 | 4 287 000 | 4 164 000 |
Driftsresultat | 324 000 | 65 000 | 194 000 |
Resultat før skatt | 205 000 | -35 000 | 78 000 |
Årsresultat | 209 000 | -32 000 | 70 000 |
Balanserekneskap | 2012 | 2011 | 2010 |
Sum anleggsmiddel | 2 030 000 | 2 050 000 | 1 916 000 |
Sum omløpsmiddel | 907 000 | 692 000 | 624 000 |
Sum eigenkapital | 326 000 | 116 000 | 148 000 |
Sum gjeld | 2 611 000 | 2 625 000 | 2 391 000 |