Riepie
Riepie lij ikth sualadamme naa jïjnjh bovtsh.
Doh jeatjah juvrh lin viehkiehtamme leekeme. Jïh dle krovhtem dle tseegkin.
Gosse dïhte bearkoe lij dle doelteme, dle dïhte riepie vaadtsa akten spoerjehke deavan nille jïh dle gylje:
«Dle maa manne vuajnam almetjh röövrigujmie jïh saejhtiejgujmie jis båetieh!»
Gaajhkh juvrh dan bïllijin, hajkelin varke edtjin tjïekedidh.
Njåemele jïh tjetskie hajkejin akten krovhten nualan tjïekedin. Numhtie dle tjïrrelgöötin dah altese bieljie-gietjieh. Jïh numhtie die leah dah tjeehpes daan biejjien aaj guktie åvtetje biejjieh.
Dïhte tjetskie dïhte golh båeltieji dam altese siejpie-gietjiem. Jïh numhtie die lea dïhte aaj tjeehpes.
Jïh dïhte riepie! Dïhte golh gaajhke bearkoem oktegh bårreli.
Baakoe
Saemien | Daaroen |
|---|---|
sporjehke, spåavroeh | snau, uten vegetasjon |