Mørdeigen er allsidig og kan nyttast til både småkaker, terter og paiar. Linsedeig og mørdeig er same type deigar, men ofte er linsedeigen meir eksklusiv med eggeplommer og melis i deigen.
Mørdeig er ein deig som blir nytta til tørre, møre kaker som fyrstekake, eplekake og fylte terter. Deigen blir òg nytta til å lage småkaker som til dømes tyske skiver, smørkransar, sjakkruter og serinakaker.
Mørdeig består av
- 1 del sukker eller melis
- 2 delar smør
- 3 delar kveitemjøl
- 1 eggeplomme
- 1 egg
Framgangsmåte
Deigen kan blandast saman for hand eller ved bruk av maskin.
- Ha sukker/melis, smør og kveitemjøl i ein miksebolle.
- Bland alt saman på middels fart.
- Ha i egg og bland lett saman. Ikkje arbeid deigen for mykje.
- La deigen avkjøle ein halvtime før du nyttar han.
Video
Denne filmen viser korleis ein lagar ein mørdeig, og deretter korleis ein lagar ein tertebotn av denne deigen.
Video
Denne filmen viser korleis ein lagar ein linsedeig, og deretter korleis ein lagar linser og finare småterter av denne deigen.
CC BY-NC-SASkrive av Terje Røssland og Einar Martin Kålen. Rettshavar: Høgskolen i Bergen
Sist fagleg oppdatert 08.04.2020