Trinn 5: Åtferd etter kjøpet
Etter at kunden er komen heim med produktet, eller har fått produktet i posten, er ho meir eller mindre nøgd med valet sitt. Oppgåva til ein marknadsførar er å forsikre kunden om at ho har gjort eit godt val og finne ut kor nøgd ho er med kjøpet. Når du har ringt kundeservice hos eit telefonselskap, er det vanleg at du får ein sms eller e-post der du blir beden om å vurdere kvaliteten på samtalen. Ved bruk av til dømes dyre produkt som bil, kjøkken, hus og så vidare får ein ofte ein e-post der ein blir gratulert med kjøpet og oppfordra til å ta kontakt dersom det er ting ein lurer på. Dette er ein medviten del av ein marknadsstrategi der formålet er å forsikre kunden om at ho har gjort eit riktig val og redusere usikkerheit knytt til dette.
Kundeorientert seljar
Ved eit seinare besøk i til dømes din faste klesbutikk – har du nokon gong opplevd å få spørsmål om kor nøgd du er med jakka du kjøpte førre gongen? Slikt gjer inntrykk og vitnar om ein svært dyktig og kundeorientert seljar.
Sjå her for eit eksempel: Du har gjort et godt valg!
