Tilnærmingsverdiar

Rekn ut arealet av eit rektangel med grunnlinje $3,4$ m og høgd $1,7$ m.

Løysing
Vi bruker arealformelen og får $\mathrm{A}=3,4 \mathrm{m}·1,7 \mathrm{m}=5,78 {\mathrm{m}}^2$ .

Bør vi ta med alle sifra i svaret her, eller bør vi runde av?

Du hugsar frå måling av lengd at alle målte lengder er usikre. Uvissa ligg i siste siffer. Det tyder at når grunnlinja er målt til $3,4$ m, så veit vi berre at lengda ligg mellom $3,35$ m og $3,45$ m. Høgda ligg tilsvarande mellom $1,65$ m og $1,75$m.

Arealet ligg då mellom grensene

Opne bilete i eit nytt vindauge

CC BY-NC-SA

Bilete: GeoGebra

Det mest riktige blir å runde av til 2 siffer

$\mathrm{A}=3,4 \mathrm{m}·1,7 \mathrm{m}=5,78 {\mathrm{m}}^2=5,8 {\mathrm{m}}^2$

Det blir for tungvint å rekne på uvisse i alle oppgåver. Difor fører vi inn regelen om talet på gjeldande siffer.