Utanriksdepartementet (UD) har ansvar for nordmenn på reise i utlandet. For å kunne bistå har UD utbygd eit ambassadenett med tilhøyrande konsulat i ein del land. Tilsvarande har andre land ambassadar og konsulat i Noreg for å vareta interessene til borgarane sine når dei er på reise i Noreg. Eit konsulat er normalt underlagt ein ambassade og har ein stadleg geografisk representant som blir kalla konsul. Til dømes har Finland ein ambassade i Oslo og eit konsulat i Tromsø.
Når du reiser til utlandet, bør du derfor ha med deg telefonnummera til ambassadane i dei landa du besøkjer. Ta også med telefonnummeret til forsikringsselskapet, som skal ha melding «utan ugrunna opphald» ved forsikringsskadar.
Du finn den informasjonen du treng på UD sine landssider.