Målet med oppgåva
De skal
- vise at de kan velje riktig fisk til ulike tillagingsmetodar
vite kva som skjer med fisken ved bruk av ulike tillagingsmetodar:
- smak
- konsistens
Informasjon om oppgåvene
De må planleggje oppgåvene slik at de kan jobbe med den teoretiske og den praktiske oppgåva samtidig. Det er sett av ei undervisningsøkt på sju timar til oppgåvene. Svaret skal leverast etter avtale med læraren.
Teoretisk oppgåve
Lag ei oversikt over kva typar fisk som eignar seg best til desse tillagingsmetodane:
- posjert
- luta
- graven
- raka
- røykt
- dampa
- sylta
- farse
Lag eit oversiktleg svar, til dømes i ein tabell. Hugs å grunngi vala av tillagingsmetodar!
Praktisk oppgåve
Den praktiske oppgåva handlar om konsistens og smak.
Klassen blir delt inn i grupper på tre eller fire.
- Etter avtale med læraren skal alle rettane serverast til prøvesmaking.
- Kvar gruppe skal skrive og levere inn kvar sin rapport om korleis dei opplever konsistensen og smaken på fisken.
- Som ei oppsummering av undervisningsøkta skal kvar gruppe presentere ein konklusjon etter smaksprøvene. Det er viktig at de får fram korleis de opplever konsistensen og smaken på fisken.
Annan informasjon
Gruppe 1 lagar rømmesaus.
Gruppe 2 koker poteter.
Gruppe 3 steikjer lauk.
Gruppe 4 dekkjer borda.
Mengder og tidspunkt for måltidet blir avtalt med læraren.
Gruppe 1
De får utlevert 600 g laksefilet.
- 200 g skal steikjast i panne.
- 200 g skal posjerast i court boullion.
- 200 g skal dampast i kjele.
Gruppe 2
De får utlevert 600 g torskefilet.
- 200 g skal steikjast i panne.
- 200 g skal posjerast i court boullion.
- 200 g skal dampast i kjele.
Gruppe 3
De får utlevert 200 g laksefilet, 200 g torskefilet og 200 g flyndrefilet.
- 200 g flyndrefilet skal varmrøykjast.
- 200 g torskefilet skal varmrøykjast.
- 200 g laksefilet skal varmrøykjast.
Gruppe 4
De får utlevert 500 g laksefilet, 500 g hysefilet og 500 g torskefilet.
- De skal lage fiskekaker av laksefileten.
- De skal lage fiskekaker av torskefileten.
- De skal lage fiskekaker av hysefileten.
Det er viktig at de nyttar same oppskrift til alle dei tre fiskeslaga.