Det første trinnet i kjøpsprosessen handlar om at kunden opplever eit behov som han ønskjer å dekkje. Ein seljar må forsøkje å avklare og gjere behovet tydeleg, slik at han kan gi så gode råd som mogleg til kunden og lykkast med salet.
Trinn 1: Problemerkjenning (behovsavklaring)
For marknadsføraren er det viktig å vite kva behov produktet vårt skal dekkje hos kunden; med andre ord kva problem vi skal løyse for han.
Dersom kunden til dømes treng ein ny sykkel, ønskjer du som seljar å vite korleis kunden skal bruke sykkelen, slik at du kan tilrå rett sykkeltype.
Skal kunden trene for å delta i Birkebeinerrittet, eller skal han ha ein bysykkel? Skal han bruke sykkelen dagleg, eller berre av og til? Svara på desse spørsmåla gir seljaren høve til å dekkje behova til kunden på ein så god måte som råd.
CC BY-SASkrive av Mette Holan. Rettshavarar: NKI Forlaget og Amendor AS
Sist fagleg oppdatert 27.02.2018