Dagleg kontroll
Som truckførar skal du kontrollere og halde maskinen ved like slik at han er trygg å bruke, og slik at bedrifta ikkje får ekstra kostnader som følgje av feil som kunne vore oppdaga. Det er fleire kontrollnivå. Den daglege kontrollen utfører du som truckførar, og det er også du som truckførar som står for det daglege vedlikehaldet.
I dag har mange bedrifter ein serviceavtale knytt til trucken. Det inneber at ein servicearbeidar kjem og utfører den føreskrivne servicen. Likevel må du kontrollere det rutinemessige vedlikehaldet.
Lenkje til film frå Linde (engelsk) om tryggleik og bruk av gaffeltruck.
Kontrollbok
Det er viktig at du fører den daglege kontrollen inn i ei kontrollbok. Slik kan andre også få informasjon om at trucken er kontrollert, og kva resultatet av kontrollen blei. Når du fører kontrollen inn i kontrollboka, skriv du også av timeteljaren.