Du skal aldri ta for gitt at passasjerar med stokk eller krykkjer treng hjelp. Mange har lært seg å bli sjølvhjelpte og vil helst vere det. Er du usikker, er det best å spørje om du skal hjelpe til.
Etter kvart som levealderen aukar, blir stadig fleire personar avhengige av å bruke stokk eller krykkjer. Andre har behov for enda meir støtte for å ta seg fram. Dei bruker gjerne ein rullator. Rullatorar må bli plasserte i bagasjerommet. Dei som bruker rullator, treng derfor å bli støtta til og frå sitjeplassen i transportmiddelet.
Passasjerterminalar skal i dag ha universell utforming (sjå lenkje i margen). Men mykje står att før dette gjeld alle terminalar. Enkelte kan derfor trenge hjelp til å ta seg opp trapper (og rulletrapper der det manglar heis).