Litt forenkla kan vi seie at friksjon er ei kraft som oppstår mellom last og underlag, og som prøver å motsetje seg at lasta kjem i rørsle. Om du prøver å skyve ei trekasse bortover eit grovt betonggolv, er friksjonen mellom kassa og golvet stor, og det blir tungt å flytte kassa. Om golvet er glatt og dekt med is, blir det lettare å skyve kassa, og då seier vi at friksjonen mellom kassa og golvet er liten. På eit lasteplan, eit skipsdekk eller i ein konteinar vil friksjonen mellom godset og underlaget vere ein del av det du må ta omsyn til i sikringa.
Friksjonen mellom gods og underlag er ei kraft vi kan kalle F, og den er like stor som den krafta, K, som skal til for å flytte godset.
Storleiken på friksjonen, F, er avhengig av kor tungt godset er, G, og det kan vi uttrykkje slik:
Vi kan også skrive det slik:
μ (my) kallar vi friksjonskoeffisienten. Lat oss seie vi har eit kolli som veg 100 kilo og altså har tyngda 1000 N. Viss vi må bruke ei kraft på 200 N for å setje det i rørsle, blir friksjonskoeffisienten
Det tilsvarer litt dårleg vinterføre. På den grove betongen rører ikkje kassa seg før krafta er kommen opp i 800 N, og då blir µ = 0,8.