Oppgave: Drøfte

Tjåanghkoe-gohtjedimmie jïh tjåanghkoe-referaate

  • Innbygg
  • Enkel visning
  • Lytt til tekst
  • Skriv ut
To personer sitter framfor en mikrofon. Foto.

Daennie sæjrosne laavenjassh faage-sæjrose "Tjåanghkoe-gohtjedimmie jïh tjåanghkoe-referaate".


1. laavenjasse

Gyhtjelassh fierhten mearhkehtjasse tjåanghkoe-gohtjedimmesne: 

  1. Man åvteste dah mah stïeresne tjåanghkosne edtjieh gohtjedimmiem jïh aamhtese-læstoem jååhkesjidh? 
  2. Maam dah mah tjåanghkosne maehtieh darjodh dastegh sijhtieh jarkelimmieh aamhtese-læstosne darjodh? 
  3. Man åvteste vihkeles referaatem dehtie minngemes tjåanghkoste jååhkesjidh? 
  4. Maam dah mah lin tjåanghkosne maehtieh darjodh dastegh dah eah referaatem lyjhkh? 
  5. Minngemes væhta aamhtese-læstosne lea ”Lijkie-aamhtesh”. Mah såarhts aamhtesh maahta bæjjese vaeltedh daan væhtan nuelesne?  

 

2. laavenjasse 

Maam datne tjaelemen bïjre daajrah tjåanghkoe-referaateste? Teestedh jïjtjemdh viehkine gyhtjelasside vuelielisnie vaestiedidh:

  1. Mïsse tjåanghkoe-referaatem nuhtjebe?
  2. Mah væhtah tjuerieh iktegisth meatan årrodh aktene tjåanghkoe-referaatesne?
  3. Mah jeatjah bïevnesh daamtaj tjåanghkoe-referaatesne gaavnebe?
  4. Mij akte refereente?
  5. Mij sæjhta jiehtedh gaatoem bïeljelidh?
  6. Man åvteste dan vihkeles referaate tjaalasåvva jïh olkese seedtesåvva dan varke gåarede?

 

3. laavenjasse

Lohkh tjåanghkoe-gohtjedimmiem vuelielisnie jïh tjaelieh referaatem tjåanghkoste. Daesnie tjoerh maam akt hæhtadidh juktie sisvegem sjugniedidh:

Voenen duedtie-siebrie
Gohtjedimmie ståvroe-tjåanghkose ----------------------------------------------------------------------------------------------------------------------
Giejtie:  Ståvroe, aaj sæjjasadtjh (Aanna Kråik, Stæjna Toven, Piere Fjellheim,
             Kræsta Kappfjell)
Giestie: Sööfe Boere

Tïjje:  Laavadahken goeven 15. b. 2016
Sijjie: Tjåanghkoe-tjiehtjele jåarhke-skuvlesne

Aamhtese-læstoe
  1. Jååhkesjimmie gohtjedimmeste jïh aamhtese-læstoste 
  2. Referaateste evtebe tjåanghkoste 
  3. Iktedimmie daan jaepien programmeste
  4. Mubpien jaepien programme 
  5. Ekonomije
  6. Lijkie-aamhtesh
Voene, 25.11.2016
Stæjna Boere
(sign)
Relatert innhold