Fagstoff

Kapihtelen bïjre

  • Innbygg
  • Enkel visning
  • Lytt til tekst
  • Skriv ut

almetjh mah girredeminie jïh akte pakaate guvnie tjaaleme: Baajh vaeride årrodh 

Argumenteradidh lea mubpide tsevtsedh. Mijjieh argumenteradibie dan åvteste mijjieh sïjhtebe govlehtoevedh jïh mubpijste guarkeme sjïdtedh, jïh dan åvteste mijjieh sïjhtebe jeatjebh edtjieh mijjine sïemes årrodh.

 

Hijven argumentasjovne-tjiehpiesvoeth lea nuhteligs utnedh dovne skuvlesne, barkosne, siebriedahkesne jïh privaate jieliedisnie. Datne dejtie daarpesjh gosse digkedeminie, gosse edtjh lahtestimmieh tjaeledh jïh barkoe-ohtsemh tjaeledh, jallh jis edtjh aktem raeriestimmiem jallh aktem dorjesem akten åestiejasse åehpiedehtedh. Ij leah naan aelhkie geajnoeh hijven argumentasjovne-tjiehpiesvoetide.

Jis edtjh væjkele sjïdtedh, tjoerh haarjanidh. Lissine aaj nuhteligs ohtje daajroem utnedh teorijen bïjre guktie datne maahtah aajhtsedh guktie jeatjebh argumenteradieh. Daam daajroem åadtjoeh gosse daejnie kapihtelinie barkh.

Sisvege

Ulmie learoe-soejkesjistie

Njaalmeldh govlesadteme

Learohke edtja maehtedh

  • goltelidh jïh eerlegevoetem vuesiehtidh mubpiej argumentasjovnese, jïh sjyöhtehke jïh eensi argumenth digkiedimmine nuhtjedh
  • daajroem nuhtjedh retorihkeles appellehammoej bïjre åehpiedehteminie •
  • faageles daajroeh jïh dïejvesh nuhtjedh soptsestimmine tjaalegi jïh gïelen bïjre •
  • ovmessie råållah haalvedh soptsestimmine, digkiedimmine, dramatiseringinie jïh åehpiedehteminie

Tjaaleldh govlesadteme

Learohke edtja maehtedh 

  • ovmessie såarhts tjaalegh jïjtse tïjjeste, tjiehpies-lidteratuvrh jïh aamhtese-provsah lohkedh, jïh sisvegen, hammoen jïh åssjelen bïjre ussjedidh
  • argumentasjovnem tjïelkestidh mubpiej tjaaleginie, jïh jïjtse argumentereles tjaalegh tjaeledh
 

Guktie kapihtele öörneme

Kapihtelen govhte faage-sæjroeh. Ih daarpesjh faage-sæjrojde öörnegen mietie lohkedh. Lissine laavenjassh faage-sæjrojde.

  1. Veanhtoe, argumeente jïh premisse
  2. Vuesiehtimmie-tjaalege: Nihtieh kreeke-pryövenassh!
  3. Krïevenassh rïektese-argumentasjovne
  4. Ussjedammesvoete jïh autoriteete
  5. Gïeleviehkie-vierhtieh
  6. Analyjse-goere
  7. Laavenjassh